Ikastaroak Irlandan

  • B) Bakarkako bidaia Irlandara

B) Bakarkako bidaia Irlandara

Stone Circle
Global Language Schoolek nerabe eta helduentzako hizkuntza-bidaiak antolatzen ditu Schullen, Corkeko konderrian. Ikasleak Atlantic School of English zentrora joaten dira eskolak jasotzera, eta Irlandako familia baten etxean hartzen dute ostatu, egonaldia haiekin partekatzeko.

Bakarkako abentura bat bizi nahi duten gazte eta helduentzako hizkuntza-bidaia da. Guk dena antolatzen dugu, ikasleek beren egonaldiaz bete-betean goza dezaten: Schullerako bidaia, eskolak, eta Atlantic School of English zentroarekiko eta familiekiko harremanak.
Irlandako zentroarekin eta ikasleekin harremanetan egoten gara une oro, gure ikasleak ongi daudela ziurtatzeko eta sor daitezkeen zalantza guztiak argitzeko.

Schull herria


Askorentzat Schull Irlandako kostaldeko herririk magikoena eta ederrena da, hondartza zoragarriak dituelako eta etxe ikusgarriz apaindua dagoelako. Kirola egiteko, edo, besterik gabe, egun batzuetan lasaitzeko eta arazoak ahazteko toki paregabea da. Bertako jendea maitagarria da, eta harrera ezin hobea eskaintzen die ikasleei lehen egunetik.

Schull Ozeano Atlantikoaren gaineko begiratokia da, musikaren eta literaturaren munduko artista ugariren bizilekua. Bere bazter magikoak inspirazio-iturri dira Irlandako eta atzerriko konpositore eta pintore askorentzat. Hortaz, ez da harritzekoa eskualdeak folklore eta kultura oparoa edukitzea, eta, ildo horretatik, askotariko jarduera erakargarriak jartzen ditu ikasleen eskura: ur-kirolak, golfa, baleei begiratzeko txangoak, Irlandako dantzako eta sukaldaritza tradizionaleko eskolak eta abar.

Atlantic School of English eskola


Atlantic School of English eskolako kideak konbentzituta daude talde txikietan antolatutako irakaskuntza eta gogoa eta gorputza suspertzeko jarduera-programa erakargarria uztartuz gero, hezkuntza-esperientzia arrakastatsu eta atsegina lor daitekeela. Arreta oso pertsonalizatua da, hurbil-hurbilekoa, eta horri esker, aurrerapena ez da ikasgelara mugatzen, askoz haratago joaten baita. Egonaldiaren amaieran ikasleek ingelesez komunikatzeko segurtasun eta erraztasun handiagoa dutela sumatzen dute, kalean zein lanbidean, telefonoz hitz egiteko, aurkezpenak egiteko, e-mailak bidaltzeko eta abar. Ikaslerik lotsatienek ere ondo pasatzen dute irakasle eta familien lan handiari esker. Askotan ikasleek etxea eta familia partekatzen dute atzerriko beste zenbait ikaslerekin, eta hori ere lagungarri da ingelesez egiteko eta lagun berriak egiteko. Irakasleek ikasleei laguntzen diete txango eta jarduera guztietan, ikasgelatik kanpo ere ikasten jarrai dezaten.
Hondartzan, barbakoa jaten!
Atlantic School of English
GORA
Ostatua

Ostatua

Urtero-urtero, ikasleak etxera itzultzen dira, oso gustura betiere Irlandako familia batekin zenbait egun eman ondoren. Eta asko dira familia horietan benetako lagunak egiten dituztenak, denborarekin adiskidetasun hori sendotzen dutelarik.
Atlantic School of English eskolak zenbait familia maitagarriren laguntza dauka, eta familia horiek guztiak prest daude ikasleen egonaldia alaitzeko, ikasleek oroitzapen gozoak eduki ditzaten; familien zeregina funtsezkoa da, beraz, abenturaren arrakasta bermatzeko.
Guk, gure aldetik, ikasleak familietan ondo integratuta daudela eta dena ondo doala zaintzen dugu une oro. Oso irizpide espezifiko batzuei jarraiki hautatzen ditugu familiak. Ikasle bakoitzaren ezaugarriak (adina, zaletasunak, interesak, osasun-arazoak eta abar) kontuan hartuta.
Prezioak

Prezioak

Prezioaren guztizkoa aldatzen da hautatutako aste kopuruaren, egonaldi motaren eta Schullerainoko garraioaren arabera. Global Language Schoolen aholku ematen diegu ikasleei, bakoitzari ondoen datorkion aukera zein den adieraziz, eta garraioa antolatzeko laguntza eta esperientzia ere eskaintzen diegu.

Ikastaro paregabea da. Zergatik?


  • Giza esperientzia eta hizkuntza-esperientzia paregabea da, Irlandako eremu ederrenetako batean.
  • Abiatu aurretik, ikasleek aholkularitza osoa jasotzen dute.
  • Arreta oso pertsonalizatua da, gure ikasleak zenbaki soilak ez direlako.
  • Egonaldia zehatz-mehatz antolatuta dago, esperientzia handiko profesionalen eskutik.
  • Ikasleek Irlandako familia baten egunerokotasunean erabat murgiltzeko aukera dute.
  • Eskolak kalitate bikainekoak dira, eta hainbat kultura- eta kirol-jarduera erakargarri eta interesgarri ere eskaintzen ditugu.
Kayak egiten Schull-en
GORA